YUtup:Mirza Khazar (Mirze Xezer) and Black January

Azərbazcanımızın igit Fedakar oğlu Jurnalist,Publiçist Mirza Xəzər qardaşımızın Vidizolarina, yazı və danışıqlarına baxa bilirsiniz.

آذربایجانیمیزین ایگیت فداکار اوغلو ژورنالیست / پوبلیچیست میرزا خزه ر قارداشیمیزین ویدییو لارینا ـ یازی وه دانیشدیقلارینا باخا بیلیرسینیز.

بیر دفعه خیانت ، همیشه خیانت

فارس ایرقیچیلاری نین آذربایجان میللتینه، عمومیتله تورکلره قارشی دوشمنچیلیک لری تاریخی بیر واقعیت دیر. بونو اورت ـ باس ائتمه یه قالخماق ایمکانسزدیر. بو دوشمنچیلیک اوزون تاریخی کوکلره مالیکدیر.حتا فردوسی نین تورک شاهی نین پولو ایله یازدیغی شاهنامه ده ده گورمک مومکوندور. 1925 ـ نجی ایلده اینگیلیسلرین الی ایله ائدیله ن کودتا نتیجه سینده حاکمییتی اله کئچیره ن فارسلار، قوندارما آریاچیلیق تئروسینی اورتایا آتاراق، اوز ایرقیچیلق سیاستلرینی ایجرا ائتمه یه باشلادیلار. بو سیاست یالنیز تئهران رئژیمی طرفینده ن یوخ ، سوزده اوزلرینی سول کومونیست آدلاندیران آغالاردا قاتیلدیلار.اونلار حتا آذربایجانلیلار طرفینده ن قورولان کومونیست فیرقه سینی بئله قبول ائتمه ییب ، 1320 ـ نجی ایلده ایرقچی خائن توده فیرقه سینی قوردولار. بو فیرقه قورولدوغو گونده ن باشدا آذربایجان تورکلری اولماقلا باشقا میللتلره قارشی دوشمنچیلیک ، عداوه ت وه ایرقچی گوزوشلرینی ایدولوژیک لفافه لر آراسیندا تقدیم ائتمه یه چالیشدیلار. .چوخ تاسوفله بیر عده اوزوموزده ن اولوب آلدانان ، بئیین لری یوولانلاردا اونلارا قاتیلاراق اوز میللتلری نین علئیهینه قالخدیلار. میللتیمیزین دوشمنلرینه یاردیمجی اولدولار. بو خیانت بو فیرقه نین حیاتی بویو ایران آدلانان یئرده دوام ائتمیشدیر. بو قورومون توره مه لرینده ن اولان خالق فدایی(؟!) لری ده اوز معلیملری اولان توده فیرقه سی نین یولونو توتوب، مسکووانین بویوروقلاری نین ایجراچیسی اولدولار. بو جنابلار غربیلی لرین شاهی آپاریب ، خومئینی رئژیمینی حاکمیی ته گتیردیکلری دونمده، اونلار کیمی دوشونمه ین آیدینلارین ، باشقا سیاسی قوروملارین عضوولری نین آدلارینی رئژیم موخالیفی اولاراق بو رئژیمین جلادلاری نین الینه وئردیلر. مسکووادا خصوصی خیانت کلاسلاری کئچیره ن بو آغالارین بعضیلری، باشقالارینی اولومه وئردیکده ن سونرا، آوروپادا ا یاشاماغی ترجیح وئردیلر. اوتوروب آزاد آوروپا محیطینده اوز خطالارینی ، خیانتلرینی گوزده ن کئچیریب ، اولومه وئردیکلری شخصیلرین عائله لرینده ن، آذربایجان میللتینده ن باغیشلانمالارینی ایستمک یئرینه بورادادا اوز خیانتلرینی سوردورورلر.خصوصیله آذربایجان میللی حرکتینی گوجلندیرمک یئرینه ، یئنه ایرقیچی فارسلارلا ال بیر اولوب ، میللی حرکته دالیدان بالتا وورماغا چالیشیرلار. بو آغالار حتا اوز تورک آنالاری نین اونلارا وئردییی سوته، و آنالاری نین ، اونلارا چالدیغی لایلالارا بئله حورمت قویمورلار. گورونور کی ، اونلار اوچون مقدس اولان بیر شئی یوخدور.

بو آغالار تاریخده ن درس آلمادان ، یئنه ایرقچی فارسلارلا ال بیر اولوب، « جیمهورییت ایسته ییریک » ادی آلتیندا کئچئیش فاناتیک گوروشلرینی نوشغار ائدیرلر. بو آغالار اونودورلارکی ، وطن توپراغینا آیاق قویدوقدا ایلک اولاراق اولومه وئردیکلری اینسانلارین حئسابینی وئرمه لی اولاجاقلار. میللی حرکنه ، اوز میللتینه قارشی، تیکرار میللتیمیزین دوشمنلریله ال بیر اولوب میللی جرکته قارشی خیانته باشلامالاری ، ائتدیکلری خیانت زنجیرلری نین یئنی بیر حالقاسیدیر.

کاشکی ، بئله قوللوقچولوق یئرینه میللتین یانیندا یئر آلایدایلار، هئچ اولمازسا گئچمیش گوناهلاری نین بیر بولومونو یوموش اولاردیلار. آمما گورونورکی خیانته ، یاد قوللوقچولوغونا آلیشانلار، بو آلیشقانلیغی ترک ائده بیلمیرلر. آوتانمادان باشقا میللتلره ده وصی قیوملوق ائدیرلر. بو حاقی بو جنابلار کیم تانیمیشدیر؟! بلی ، دیکتاتورلوغا آلیشان ، دیکتاتورلار کیمی دوشوننلر، آنجاق بئله فرمانلار صادیر ائده رلر.

حیاتدا اوتانماقدا یاخشی بیر شئیدیر..گورونورکی اوتانماغیدا ایره نمه میشلر. عومرولری نین سون چاغلارینی یاشاسالاردا، سهولرینی گوروب ، خیانتکار کئچمیشلرینه قیرمیزی خط چکمک ایسته میرلر. ، فارسا ـ اوروسا نوکرچیلیغی ، شرفلی یاشاما قدان اوستون توتورلار. ، منه گوره بو آغالار اوز عومرولری نین سون ایللرینده اوز میللتیمیزین یانیندا یئر آلمالاری داها یاخشی اولاردی.

اوتانمامازلیغیدا بیر اندازسی واردیر. هانسی جیمهورییتی ایسته ییرلر، کیمده ن ایسته ییرلر. کیمه ایسته ییرلر. کیملرین قازانینا سو توکورلر، میللی جرکتین یولونو خازارـ خالوار اولوب صافاتماق یئرینه ، نییه یول چانقیلی اولورلار. اومید ائدیریک بو یولدان قاییتسینلار، رئالیقلاری گوروب ، بو رئالیقلار اسایندا یولا چیخسینلار. اوزگه لرین ماشاسی اولماسینلار.ان آزی یاشادیقلاری بو توپلوملاران دئموکراسینی اویره نسینلر ، اینسانلارا حورمت قویسونلار. آنا دیلی

بیرلیک و همرای لیک گونو

یادلار الی ایله میللتیمیز و وطنیمیز آذه ربایجانین پارچالانما تاریخینده ن 18۴ ایل کئچسه ده ، میللتیمیز بیرلی یه ، بوتوولویه اولان اینامینی ایتیرمه میشدیر. آرازین هر ایکی تاییندا میللتیمیزین وئردیی موجادیله لر، قالدیردیغی قیاملر، یاراتدیقلاری حوکومتلرین ان نهایی هدفی پارچالانمیش میللت و وطنیمیزین بیرلشمه سی اولموشدور. تصادوفی دئییلدیرکی، 1991 ـ نجی ایلده قوزئی آذه ربایجانیمیزین تیکرار مستقیللی یی عرفه سینده، ایلک گورولن ایشلرده ن بیری سرحد حرکاتی اولموشدور. بو حرکت ده قوزئی لی و گونئی لی آذه ربایجانلی لار اورتاق حرکت ائتمیشلر. اوز اللریله ده میر و آیریلیق دوواری نین سمبوللاری اولان تیکانلی مفتیل لری و سرحد دیره کلرینی اودا چه کیب ، مین ساحه لرینی یوخ ائتمیشلر. اوزلرینی آرازین سرین سولارینا ووراراق بیر ـ بیرلریله قوجاقلاشمیشلار.

آذه ربایجانیمیزین 18۴ ایللیک آیریلیق تاریخینده، بو سون حرکت، میللتیمیزین تمیزحس لرینی ، آرزولارینی ترنوم ائده ن ، بیرلیک و بوتوولویه اولان اینامی نین گوسترگه سی ایدی. بو دونیا ایجتماعییتی نین گوزلری قارشی سیندا حیاتا کئچیریلمیشدیر. باشقا سوزله دئسک یادلارین ـ اوزگه لرین میللتیمیزی آییرما ، یادلاشدیرما چابالاری حاقدا اولان بوتون چابالاری نین یئرسیز اولدوغونو گوسترمیشدیر. میللتیمیز بونا اینانیرکی، بیر گون بو میللی بوتوولویه قووشاجاقدیر. بیر بوتوو میللت اولاراق دونیا ایجتماغییتینه اوزونو تقدیم ائده جکدیر. بوتون وارلیغیملا بونا اینانیرام ، بئله بیر میللتین بالاسی اولدوغوما غرور دویورام. و بوگونو بوتون میللتیمیزه تبریک دئییره م .

یاشاسین اوزلویونو ـ منلی یینی ایتیرمه ین ، وارلیغینا ، گله جه یینه اینانان میللتیمیز!

یاشاسین آذه ربایجان

29.12.2۰12 بون

نئلیم ، نئجه ائله ییم داواسی !

آتالاریمیز دئمیشلر ، عاشیقین سوزو قورتولاندا نئلیم ، نئلیم چاغیرار!

سون گونلرده بیر نئچه تشکیلاتین قول چکدییی (؟!) بیر« رئفراندوم بیلدیریشی» یایینلانمیشدیرکی ،معناسی یوخاریدا قئید ائدیلدیی کیمی نئلیم ـ نئیلیم چاغریماقدیر. بو بیلدیریشی یایانلارین اکثرییتی آوروپادا یاشاییرلار. گورونورکی ، آوروپادا یاشادیقلاری حالدا آچیق واقعییتلری گورمکده ن یوخسون دورلار. آتدیقلاری آددیم ایسه یئر سیز و معناسیز بیر آددیمدیر. ایران آدلانان یئر نه اینگیلیستان ، نه کانادا ، نه ده ایسپانیادیر. چونکی بو اولکه لرده دئموکراسی مووجوددور. اینسان حاقلارینا حورمت قویان اولکه لردیرلر. حتا بو اولکه لرده رئفراندوم یولو ایله آیریماق ایسته ین میللتلرین ، اولدوقلاری اولکه لرده اوزلری نین یئرلی حوکومت و پارلئمنتولاری واردیر. اوزلری ـ اوزلرینه بیر دوولتدیرلر. ایقتیصادی باخیمدان دا گلیشمیش ایالتلر ساییلیرلار. دیللری رسمی دیل اولاراق اوخونور ، یعنی او ایالتین ایشلری بو دیلده حیاتا کئچیریلیر. کولتور و مدنییتلریده قورونور. آیریلماق ایسته ینلرسه، بو ایالتلرین پارلئمنتوسوندا تمثیل اولونان فیرقه لر( پارتیلارـ حزب لر) و میللی شخصییتلردیرلر. تاریخی آراضیلری نین حدودلاری بللی دیر. بو حدودلار مرکز حوکومت طرفینده نده رسمی شکیلده قبول ائدیلمیشدیر.

ایران آدلانان یئره گلدیکده بو اولکه ده دیکتاتور ، فاناتیکده ن ـ فاناتیک ( گئریجی) ، دینی سیاسته آلت ائده ن ، هر چئشید اینسان حاقلارینی چئینی ین ، ایقتیصادی و سیاسی باخیمدان دا ورشیکست بیر اولکه دیر. آدام اولدورمکده ، ایشکنجه ائتمکده دونیادا ایکینجی اولکه ساییلیر، چین نفوذو ایله موقاییسه ائدیلیرسه بیرنجی یئری توتور. آذه ربایجان بئله بیر رئژیمین ایشغالی آلتیندادیر. تاریخی اراضیلری ایسه پارام ـ پارچا ائدیلمیش، باشقا میللتلره باغیشلانمیش، یاخود اونلار بو اراضیلرده یئرلشدیریلمیشدیر. ان ابتدایی حاقی دیله گتیرمک اولوم ، ایشکنجه، و اعدام دئمکدیر. بئله بیر اولکه اوچون بئله بیر بیلدیریش وئرمک ، واقعییتلری گوروب آنالیز ائتمکده ن عاجیز اولماق، یاخود مقصدلی کاناللارا خیدمت معناسینا گلیر.. یاخود بئله بیر گولونج بیلدیریشله اوزلرینی مطرح ائتمک ، منده وارام دئمک معناسینی داشیر.

گورونورکی بو سویداشلاریمیز رئالیقلار ایچینده یوخ رویالاردا یاشاییرلار. 90 ایلده ن چوخدور کی، فارس ایرقچی لیغینی تبلیغ ائده ن رئژیمده ن آوروپا و کانادا دئموکراسی سینی گوزله ییرلر. طبیعی آنا دیلینی تانیمایان بیر ایرقچی رئژیمده ن مستقیللیک رئفراندومو اومورلار. بو سویداشلاریمیز ال ـ اله وئریب ، رئژیمله ، اونون مستملکه چی سیاستی ایله ساواشماق ، آذه ربایجانین تاریخی اراضیلرینی بئین الخالق ایجتماعیت طرفینده ن قبولونا چالیشماق ، تثبیت ائتدیرمک ، رئژیمین میللتیمزه ائتدیی چئشیدلی جینایتلرینی آچیقلاماق یئرینه ، بئله بیلدیریشلر وئرمه لری دئدیکلرینه اینانماماغین و واقعییتلری گورمه مه یین گوسترگه سیدیر.

بوتون خاریجده اولان تشکیلاتلار، بونو بیلمه لی وقبول ائتمه لیدیرلرکی ، خاریجده ایستی اوطاقلاردا مستقیللی یی آلماق ایمکانسیزدیر. هرایش ایچه ریده اولاجاقدیر. بو ایشی دئدیکلرینه اینانان جانیندان ، مالیندان و وارلیغیندان کئچمه یه حاضیراولان غئیرتلی میللتیمیز و اونون شرفلی اوغول و قیزلاری گوره جکدیر. خاریجده یاشایانلارین وظیفه سی اونلارین سه سینی دونیایا یایماقدیر حاضیرلیق ایشلری آپارماقدیر داخیلده اورتاق و بیرلیکده حرکت ائتمه یی حمایت و تشویق ائتمکدیر. اونلارین دییه بیلمه دیکلرینی دیله گتیرمکدیر.

بئله بیلدیریشلر ، چیخیش لار میللی حرکتی لووس ائتمک ، لاغا توتماق ، مستملکه چی رئژیمه خیدمت ائتمک ساییلیر. سیاستده ن باشی چیخان ، سیاسی و ایجتماعی مسئله لری گوتور ـ قوی ائدیب، تدقیق گوجونه مالیک اولان بیریسی بونو بیلمه لیدیرکی، تاریخ بویو دیکتاتورلوقدا ایداره اولونان، دالی قالمیش ، ایران آدلانان اولکه کیمی بیر اولکه ده ، میللی قورتولوش ساواشی ، مستملکه دن آزاد اولماق، رئفراندوم یولو ایله یوخ ، آنجاق و آنجاق ایناملی ساواش یولو ایله مومکوندور.

آنادلی غزئتی 15.12.2012بون

باش ساغالیغی

داخیلده ن و بئین الخالق خبر آزئنتلیکلرین وئردیکلری بیلگیلره گوره مورداد آیی نین 21 ده ایشنبه گونو ناهاردان سونرا گونئی آذربایجانین اهر ایالتینده 6،5 گوجونده ایکی یئر تیتیره مه سی باش وئرمیشدیر. بو تیتیره ییشین نتجه سینده ورزقان شهری باشدا اولماقلا بیر چوخ کندلر یئرله یئکسان اولموش ، اهالی ییخیلان ائولرین آلتیندا قالمیشلار . رئژیم اولوم سایی سینی کیچیک ساخلاماغا چالیش سادا، اولن لرین سایی 6ـ 7 مین نفرجیواریندادیر ، آوروپا آزئنتلیکلره گوره یارلی ساییسی 16 مین نفر اعلان ائدیلمیشدیر. طبیعی اولاق مستملکه چی رئژیم بو حاقدا اوز غزئت ، وه رادییو ـ تئلوزییالاریندا معلومات وئرمه میشدیر. آلمانین بیرینجی کانللینا گوره جینایتکار مستملکه چی رئژیم خاریجی یاردیملارادا ریضایت لیک وئرمه میشدیر. اهالی اوز باشینا بوراخیلمیشدیر. بو بیر ده فعه ده بونو آپ ـ آچیق نوماییش ائتدیریرکی ، فارس ایرقچبی لاری نین مستعمره سینده اولان آذربایجان داغیلماسی ، برباد دوروما دوشمه سی اونلارین ایستکلریدیر. بودا چوخ طبیعی دیرکی، هئچ مستعمره چی تاریخ بویونجا مستعمره سینده یاشایان میللتین خوشولوغونا چالیشمامیش ، مستعمره سی نینده آبادلیعینی ایسته مه میشدیر. بو فارسلار اوچونده کئچه رلیدیر. تیکرار بو زلزله ده نده چیخاردیغیمیز نتیجه و بیر واقعییتی نوماییش ائتدیریر. اونون اوچونده هئچ بیر آذربایجانلی مستعمره چی فارسدان توقعو اولمامالیدیر. عکسینه بو فاجیعه لردن درس آلیب ، اوزونو بو مستعمره دن قورتارماغا ، اوزو اوزونون آغاسی اولماغا چالیشمالیدیر. قورتولوش ساواشلاریدا تاریخ بویو اسلحه گوجو ایله اولموشدور. آزادلیغی ، مستقیللی یی هدییه ائتمه زلر. ماتملی اولساقدا بو فاجیعه نی یارادان آمیللری دوشونمه لی ییق. بونلاری دوشونوب چاره قیلماغا قالخمازساق، باشیمیزا بوندان داها جوخ آجی فاجیعه لر گله جکدیر. بیز غزئته میز و اونون اوخوجولاری آدیندان آذرباجان میللتینه باش ساغالیغی دئییب ، عزیزلرینی ایتیره ن ,ائله لره صبیر دیله ییریک ، سون غمینیز اولماسینی آرزو ائدیریک

آنادیلی رئداکسیاسی آدیندان

دوختور غروی

قــالــخ آیــاغـــا آذه ربـــایــجـــانبا

آذه ربـــایــجــان ، آذه ربـــایــجـــان

قـــالـــخ آیــاغــا ، آذه ربـــایــجـــان

گـــوزلــر یـاشــلـی ، اوره کلــر قان

وطـن اولــوب ، بــویــوک زیـنــدان

واخــتـی دیــرکـی ، اولا طـوغــیـان

بـویـوک عـصـیـان ، قـانـلی عصیان

مینلرجــه جـــان ســنـه قــوربـــان ،

قـــالـــخ آیــاغــا ، آذه ربـــایــجـــان

آذه ربـــایــجــان ، آذه ربـــایــجـــان

دیــلــیـن گــئـدیــر ، یـورد تـالانـیــر

ده ردلــر ـ ده رد اوســتـه قــالانـیــر

تــوپــراغـــیـنـدا یــاد دولانــیـــــــــر

بــیـر عیـده ده یـــالــــتــاقــلانـیــــــر

اوزون، اوز کــیـمـلـی یـیـن دانـــیــر

قـــالــــخ آیــاغــا ، آذه ربـــایــجـــان

آذه ربــــایــجــان ، آذه ربـــایــجـــان

داهـــا یــاتــمــاق واخــتـــی دئــیـیـل

بــاشـــی قــاتــمـاق واخــتــی دئـیـیـل

آل ـ وئـــر، ســاتـمـاق واخـتـی دئییل

خــوســانــلاشـــمـاق واخـتـی دئـیـیـل

نـامـوس ، شـــرف تـــوپــراقــدی بو

قـــالــــخ آیــاغــا ، آذه ربـــایــجـــان

آذه ربــــایــجــان ، آذه ربـــایــجـــان

فـارســا کــولــه اولــمــاق آردیــــــر

زنـجــیــرلــه نــمــیـش ائل ـ دیاردیر

هــر یـئــر دوسـداق، هـر یئر داردیر

تـک ایـــنـامـیـن ، ســنه یـاردیـــــــر

دایــان یــالـنـیــز ائـل گــوجــونـــــــه

قــــالـــخ آیــاغــا ، آذه ربـــایــجـــان

آذه ربـــــایــجــان ، آذه ربـــایــجـــان

ســون ســیــنـاقــدیــر، آمـاده گـــه ل

ائــلــی چــاغــیــر ، ایــمــداده گـه ل

اجــــدادیـــــن تـــک آزاده گــــــــه ل

آیـــدیــن ســـــیـلاح آل ، داده گـــه ل

زامــان قــیـســـا ، فــورصـت آزدیـر

قــــالـــخ آیــاغــا ، آذه ربـــایــجـــان

آذه ربــــایــجــان ، آذه ربـــایــجـــان

تبریزلی فائق(آیدین) بون 13 ،5،2012

27 Aprel 2012, Cümə

Vaşinqtonda ABŞ-Azərbaycan münasibətlərinə həsr edilmiş konfrans işini başa çatdırıb (FOTOLAR)

Konfrans iştirakçıları iki ölkə arasında 20 il ərzində münasibətlərin inkişafını dəyərləndirib, ABŞ-Azərbaycan əlaqələrinin gələcəyini müzakirə ediblər

Dilshad Aliyarli

Vaşinqtonda ABŞ və Azərbaycan arasında diplomatik münasibətlərin qurulmasının 20 illiyi münasibətilə keçirilən konfrans işini başa çatıdırıb. İki gün sürən konfrans zamanı ABŞ-ın hazırkı və keçmiş administrasiyalarının nümayəndələri, Birləşmiş Ştatlar Konqresi və Senatının üzvləri, Amerikanın müxtəlif araşdırma mərkəzlərinin təhlilçiləri, Azərbaycan Dövlət Neft şirkətinin yüksək səviyyərli rəsmiləri, Azərbaycan Milli Məclisinin deputatları, Azərbaycanın dini icmalarının liderləri iki ölkə arasında 20 il ərzində münasibətlərin inkişafını dəyərləndirib, ABŞ-Azərbaycan münasibətlərinin gələcəyini müzakirə ediblər.

ABŞ və Azərbaycan arasında münasibətlərinin 20 illik tarixi və iki ölkə arasında əməkdaşlıqdan əldə edilən nəticələr mövzusunda keçiriən iclasda müstəqilliyini bərpa etmiş gənc Azərbaycanın Birləşmiş Ştatlarla qlobal və regional təhlükəsizlik, enerji təhlükəsiziyi, iqtisadi inkişafa dair birgə maraqlar əsasında güclü tərəfdaşlıq münasibətlər qurduğu qeyd edilmişdir. Müzakirələrdə Dövlət katibinin yardımçısı Erik Ruben, Atlantik şuranın Avrasaiya mərkəzinin direktoru səfir Ross Vilson, ABŞ Dövlət katibinin yardıçısının keçmiş müavini Deyvid Merkel, Azərbaycan Xarici İşlər nazirinin müavini səfir Hafiz Paşayev və ABŞ-ın Heritage Fondunun eksperti Ariyel Kohen çıxış etmişlər. Natiqlər 20 il bundan əvvəl regionda sabitiliyin bərqərar olması və yeni müstəqil ölkələrin suverenliyinin qorunması qarşısında maneələrdən danışıb. Amerikalı ekspertlər Azərbaycanın və ümumilkdə Qafqaz regionunun ABŞ xarici siyasətində xüsusi rolunu vurğulayıblar. ABŞ-ın Azərbaycanla münasibətlərə verdiyi əhəmiyyəti önə çəkən Erik Ruben ABŞ Dövlət katibi Hillari Klintonun 2010-cu ildə Azərbaycana səfəri zamanı dediklərini xatırlatdaraq, ”Birləşmiş Ştatlar və Azərbaycan arasında dərin, mühüm və davamlı münasibətlər mövcuddur” deyə söyləmimıdir. Səfir Hafiz Paşayev Azadlığa Müdafiə aktına münasibətlərin qurulmasından öncə tətbiq edilən 907-ci əlavənin hələ də qüvvədə qalmasını ikitərəfli əlaqələrə təsirini qeyd etdi. O, Azərbaycanın beynəlxalq nüfuzunun artmasından danışaraq, ölkənin BMT-nin Təhlükəsizlik Şurasının qeyri-daimi üzvü seçilməsini Azərbaycanın beynəlxalq miqyasda prestijinin artdığına dəlalət etdiyini bildirdi. Natiqlər eyni zamanda, regionda sabitiyin bərqərar olması qarşısında maneə yaradan faktorları qeyd edərək, İranın mübahisəli nüvə proqramı ətrafında beynəlxalq ictimaiyyətlə yaranmış gərginliyi və bölgədə əsas oyunçulardan biri olan Rusiyanın yeritdiyi siyasətin təhlilinə yer verdilər. Ariyel Kohen ABŞ-ın regionda daha aktiv rol oynamalı olduğunu vurğuladı. Bununla yanaşı,Dağlıq Qarabağ münaqişəsinin nizamlanmasına ehtiyacın olduğu natiqlər tərəfindən xüsusi vurğulandı. Müzakirələrin iştirakçıları Azərbaycanın beynəlxalq təhlükəsizliyin təmin olunması və Avropanın enerji təhlükəsizliyinin strukturunun yaradılmasında rolunu qeyd etdi.

آمئریکا و ایسراعیلین سوز ساواشی !

اوزون بیر مدتدیرکی ، ایسراعیل دوولتی ایران آدلانان یئرده کی آتوم مرکزلری حاقدا سوز ساواشینا باشلامیشدیر. سون آیلاردا ایچینده آمئریکا بیرلشمیش سیتادلاریدا بونا قاتیلاراق ساواش گمی لرینی خلیجه گونده رمیشدیر. خاطیرلاتماق یئرینده اولارکی ، آمئریکا و غربیلیلر شاهی گوتوروب ، یئرینه خمئینی نی قویولدوقدا ظاهیرده هرگون بو رئژیم طرفینده ن هر ایکی اولکه نین بایراقلاری کوچه لرده یاندیریلیردی. بیر صورتده کی آرخادا ایسراعیل دوولتی و آمریکا ایله جیجی ـ باجیلیقلاری ده وام ائدیردی. هر هفته بو مونافیق رئژیمین منسوبلاری ایسراعیله گئدیب ، ا آری بئن مئناشه، رفسنجانی و باشقالاری ایله صمیمی شکیلده دانیشیب،" Ari Ben Menasche یسراعیل دوولتی نینده دوولت باشچیسی موشاویری و موسادین ایکینجی خدمه لی شحصی"

آلیش ـ وئریش ائدیردیلر. بورادا بونودا علاوه ائتمک لازیمدیرکی بو شخص ایسراعیل دوولتی نین قوللوقچوسو اولاراق اوچ ایل " 1974ـ 1977 " نجی ایللرده ایراندا سیری خبرلرین رمزلرینی کشف ائتمه وظیفه سینده چالیشمیش ، سونرا ایسراعیل دوولت اوردوسونون خصوصی شخصی قوروموندا وظیفه لندیریلمیش ، 198۰ نجی ایلده ایران ـ ایسراعیل اورتاق موناسیبتلر کومیته سینده اولوب ، نهایت باش ناظیر اولان اسحاق شمیرین خصوصی اطلاغات موشاویری اولموشدور. ایران ـ عراق ساواشیندا بو شخصین الی ایله ایرانا آلینان سیلاحلاردان ایسراعیلین گلیری 8۰ بیلیون دولار اولموشدور. بو طرفین بو ایشلرده ان یاخین امکداشلاری کاشانی، امشی و فخریه اولوب ، کروبی و احمد خمئینی و رفسنجانی و ایران اوردوسونون او زامانکی کومادانی جلالی ایله یاخین علاقه ده ایدی. آمئریکایا گلدیکده بو موناسیبتلرین تفروعاتی بو شخص طرفینده ن آدی گئچه ن کیتابدا قئید ائدیلمیشدیر. حتا کروبی جنابلاری، فوقول کراواتلی شکیلده پاریسین هیلتون هوتئلی نین یانینداکی مانتاین هوتئلینده ایلک اولاراق ایسراعیلده بو ایش اوچون گونده ریلمیش ایکی ایسراعیلین یوکسک سوییه لی نوماینده سیله گوروشموشدور بو هوتئلین یوخاری طبقه سینده ایسه آمئریکالیلارلا گوروش کئچیریله جک ایدی. آمئریکا نوماینده هئیتینی "گیتئز" ،" مئک فارلین "، " کیو" ، دونالد گورگ" کی پرئزیدئنت کارتئرین سیا رابیطی وظیفه سینده چالیشیردی. بو نوماینده هئیتی نین باشچیلاری ایسه "جورج بوش" و" ویلیام کئیس " ایدی. قئید ائدیلدیی کیمی ایران نوماینده هئیتی نی ایسه فوقول کیراواتلی کروبی تمثیل ائدیردی. آمئریکا ایله آنلاشما ایسه بوش، کئیس و کروبی و احمد خمئینی آراسیندا اولموشدور. آمئریکالیلارین ایسته یی ایله، آمئریکا ائلچی لی یینین گیرولاری، تئهران رئزیمی طرفینده ن بیر ایل داها ساخلامالی ایدی و بو بیر ایل اوچون بو رئزیمین ژئنوده کی حئسابینا 52 میلیون دولار آمئریکالیلار پول یاتیرتمالی ایدیلر. گورولدویو کیمی گیرو مسئله سی اوزوده اوینانیلمیش تیاترین بیر سیناریو پارچاسینی تشکیل ائدیردی.

ایسحاق شمیرین خصوصی امنییت( اطلاعات) موشاویری آری بئن مئناشه نین خمئینی رئژیمی نین قورولماسیندان سونرا ایرانا ایلک مسافرتی 1981 ـ نجی ایلین فئورییه سینده رفسنجانی نین قارانتی سی ایله 7۰7 نمره لی ایرانئرله حیاتا کئچیریلمیشدیر.( سوزده ایسلام رئژیمی قورولماسیندان بیر ایل سونرا) او بو گزیسینده تئهران مودافعه ناظیرلیغیندا اولوب، مودافعه ناظیری و باشقالاری ایله اوتوروب دانیشمیش، و ارته سی گون ایسه رفسنجانی کروبی و مودافعه ناظیری و پارلئمنتونون صدرلریله گوروشلری اولموش دور. سونرالار آردی سیرا گلیشلرینده ده بو گوروشلر تیکرارلانمیش دیر. بو قیسا معلوماتی وئرمکده ن مقصد بودورکی ، بو رئژیمین حاکمییته گتیریلمه سی مقصدلی شکیلده اولموش ، امئریکا و ایسرتعیلین مادی و ایستیراتئژیک چیخالارینا خیدمت ائتمیشدیر. بو کئچه ن اوتوز دورد ایلده بو موناسیبتلر هر حالدا قیریلمامیشدیر. آمما منطقه ده چوخلی ده ییشمه لر سبب اولموشدور. ایسراعیل فلسطین مسئله سینی حل ائده بیلمه میشدیر. بیر طرفده ن ایسراعیل حاکمییتی هر گون عربلرین ائولرینی ییخیب ، ائولرینی و توپراقلارینی منیمسه مکده، جویودلر اوچون یئنی بینالار تیکمکده ، و فلسطینلی لری سیخیشدیرماقدادیر. بیر طرفده نده ایسراعیل میللتی نین ناراضیلیغینی حیس ائتمکده دیر. بونلار بئین الخالق ایجتماعییتین نطرینده ن اوزاق قالمیر. بونا گوره ده داخیلده و خاریجده عمومی افکاری باشقا بیر نوقطه یه جلب ائتمک ایسراعیل حاکمییتی اوچون داها الوئریشلی دیر. بو آمئریکا دوولتی و ایران رئژیمی اوچونده کئچه رلیدیر. منه گوره ایسراعیل دوولتی نین کره نئی یی الینه آلیب بورـ بور باغیرماسی ، گویا ایران آتوم مرکزلرینی بومبالیجاغینی تیکرالاماسی، گولونج بیر حرکتدیر. چونکی بو رئژیمین وارلیغی ایسراعیلین یارارینادیر، همده اونون بو تبلیغاتی ساواش قایدالارینا ضیددیر. بومبا سالان قاباخجادان من بو یئرلری بومبالیجاغام دئمه ز. بو آمئریکا اوچونده کئچه رلیدیر. هنوز آمئریکا افغانیستان و عراقدا کی آغیر خسارتده ن اوزونو قورتارا بیلمه میشدیر. ایقتیصادی باخیمدان آغیر دورومدادیر. ساواش گمیلرینیده خلیجده سرگیله مه سی آیری مقصد داشی ییر.

ایسراعیل میللتینه گلدیکده، بونو دییه بیله ریک کی ، چوخ چالیشقان ، گوزه ل و باجاریلی بیر میللتدیر. تاسوفله حاکمییتده اولانلار بو کئچه ن 60 ایلده ساواش مشقینده ن دوشمه میشلر. عربلرله آنلاشماق یئرینه دوشمنچیلیک سیاستی گودورلر. یازیق ایسراعیل میللتی ایسه بو سیاستین قوربانی اولماقدادیر. بیر صورتده کی ایسراعیل اوز قونشولاری ایله یاخشی موناسیتلر قورا بیلسئیدی، بو منطقه ده تکجه باریشا یوخ، بو اولکه نین ایقتیصادی گوجلنمه سینه ده بویوک خیدمت ائتمیش اولاردی.چونکی ایسراعیل بیلی یه و یئنی تئکنیکه مالیک بیر اولکه دیر.

بونو ایلک باشدا خاطیرلاتماق یئرینده اولارکی، بیز آذربایجانلیلار منطقه نین هر چئشید آتوم سیلاحیندان ، آتوم ائنرزی سانتراللاریندان تمیز بیر بولگه اولماسیندان یاناییق. ایرانی و اونون آتوم مرکزلرینی بومبلاماق هئچ بیر درده درمان قیلمایاجاق، عکسینه دوشمئچیلی یی آرتیراجاق، ایسراعیلین امنیتی نی تامین ائتمییه جکدیر. بیزه گوره ایسراعیلین حاکمییتینده اولانلاری ایران آدلانان میللتلر دوسداغینداکی میللتلرله یاخشی موناسیبتلر قورماغا چالیشمالی ، اونلارین تمثیلجیلری ایله گوروشوب، اوزون وعده لی امکداشلیغین پایاسینی قویمالیدیرلار. او زامان بو مرکزلرده اوزلویونده ن چکیب باغلاناجاقدیر.

البته ایسراعیل دوولتی نین ایران آدلانان یئرده کی آتوم مرکزلرینی بومبلاماسی ، آذربایجان میللتی آچیسیندان ایسراعیلله ـ تئهران رئژیمی نین مسئله سیدیر. آذربایجان میللتی ایران ـ عراق ساواشیندا اولدوغو کیمی بوشونا مستملکه چیلر اوچون قوربان وئرمه یه حاضیر دئییلدیر. حتا ایسراعیلین عربلرله اولدوغو پروبلملریده اونلارا عاید اولان مسئله لردیر. آذربایجان میللتی بوتون قونشولاری ایله باریش ایچینده یاشاماق و یاخین امکداشلیق ائتمک آرزوسوندادیر. بو ایسراعیل اوچونده کئچه رلیدیر.

چوخ ـ چوخ تاسوفله ایسراعیل ده و غرب لرین ایچینده کیچیک فوندامنتالیست گروبلارین اولماسی منطقه ده امنیتین ساغلانماسینا انگل اولماقدادیر.

بیزه گوره بئله بیر رئژیمین وارلیغی یوخاریدا قئید ائدیلدییی کیمی باشدا آمریکا و ایسراعیل اولماقلا غربینده ایقثیصادی و ایستیراتئژیک مراقلارینی تامین ائتمکده ، بونا گوره ده اونلار بو رئژیمده آنجاق ظاهیری ده ییشیکلیکلرده ن یانادیرلارو ایران آدلانان یئرده کوکلو ده ییشیکلیکلری ایسته میرلر . البته ایستکله ، تبلیغات آراسیندا یئرده ن ـ گویه فرق اولا بیله ر. اونلار بو رئژیمین الی ایله، ایران آدلانان یئرده گلیشمه نین هر جهتلی قارشی سینی آلمیش ، نئچه یوز ایل گئرییه گوتورموشلر. ایراندا عرب میللتی نین نفتیده ن الده ائدیله ن گلیری منطقه ده رادیکالیزمی کوکلندیرمه یه ، ایسته دیکلرینی ساتیش ماللارینی تئهران رئژیمینه سیرالاماقدادیرلار. اوندان بیر خوخو کیمی ده یارارلانیب ، اوز سیلاحلارینی ساتماقدادیرلار. سون اولاراق قطره ، امیرلیکلره و سعودییه عربیستانینا ساتیلان سیلارین بیر فقره سیدیر. ختا آوروپادا بئله بوندان اوز ایستیراتئژیک مقصدلری اوچون یارارلانیرلار. سون اولاراق آلمانین شرقینده قاره لر آراسی راکئتلری اوولاماق اوچون قورولماقدا اولان اوستلر گویا ایراندان گه له جک راکئتلرین قارشی سینی آلماق مقصدی گودورموش! . بیر صورتده کی بونلار روسلارا قارشی قورولان موسیسه لردیر

آری بئن موناشه نین " قان پاراسی " آدلی کیتابیندا رئژیم باشچیلاری نین آلماندا، فرانسا ، اینگیلیس و سویسده کی بانکلاردا اولان حئسابلاری نین نومره لری ، گیزلی نومره لری ، بو حئسابلاردا یاتیریلمیش پارالارین میقداریدا قئید ائدیلمیشدیر.

نا دلی غزئتی ـ دوختور نورالدین غروی 28 .۰1 .2۰12

حورمتلی وطنداشلار

یئنی ایلینیزی ( باهار/ ارگینوکون / یئنی گون) بایرامینیزی آنا دیلی غزئتی آدینادان تبریک دئییب ، سیزلره و عائله نیزه جان ساغالیغی ، تزه ایده خوشلوق دیله ییب،

میللتیمیزه میللی قورتولوش و ، آزادلیق وه مستقیل لیک ساواشیمیزدا اوغورلار آرزولاییریق. یئنی ایلین میللتیمیز اوچون آزادلیق ایلی اولماسینی تمنا ائدیریک .

آنادیلی رئداکسیا هئیتی

Azərbaycan prezidenti Xocalı soyqırımı ilə bağlı xalqa müraciət etdi

Azərbaycan Respublikası prezidenti İlham Əliyev Xocalı soyqırımının 20-ci ildönümü ilə əlaqədar Azərbaycan xalqına müraciət edib.

XX əsrin ən dəhşətli və qanlı faciələrindən hesab edilən Xocalı soyqırımının 20 ili tamam olur: “1992-ci il fevralın 25-dən 26-na keçən gecə erməni hərbi birləşmələri keçmiş sovet ordusunun Xankəndi şəhərində yerləşən 366-cı motoatıcı alayının iştirakı ilə aylarla mühasirədə saxlanılan Xocalıya hücum edərək, bir gecənin içində şəhəri yerlə yeksan edib. Bu qanlı aksiya zamanı dinc əhaliyə amansızlıqla divan tutulub, 613 nəfər qətlə yetirilmiş, meyitlər təhqir olunub, 1275 nəfər girov götürülüb. Onlardan 150 nəfərin taleyi hələ də məlum deyil. Qətlə yetirilənlərin 63 nəfəri uşaq, 106 nəfəri qadın, 70 nəfəri ahıl və qoca idi. Hərbi təcavüz nəticəsində 8 ailə tamamilə məhv edilib”. Dövlət başçısı müraciətində vurğulayıb ki, son iki əsrdə erməni millətçiləri tarixi Azərbaycan torpaqları hesabına mifik “Böyük Ermənistan” ideyasını gerçəkləşdirmək məqsədilə dəfələrlə xalqımıza qarşı terror, kütləvi qırğın, deportasiya və etnik təmizləmə kimi bəşəri cinayətlər törədiblər: “XX əsrin sonunda dünyanın gözü qarşısında baş verən, qəddarlığı və amansızlığı ilə fərqlənən Xocalı soyqırımı isə bu təcavüzkar siyasətin ən qanlı səhifəsi idi. Bu ağır cinayətə görə siyasi-hüquqi məsuliyyət birbaşa Ermənistanın o zamankı və indiki rəhbərliyinin, Dağlıq Qarabağdakı separatçı rejimin üzərinə düşür. Azərbaycan dövləti erməni faşistlərinin törətdiyi Xocalı faciəsi haqqındakı həqiqətlərin dünya ictimaiyyətinə çatdırılması və beynəlxalq aləmdə soyqırımı kimi tanıdılması istiqamətində iyirmi ilə yaxındır ki, məqsədyönlü və sistemli iş aparır. Son illərdə “Xocalıya ədalət” beynəlxalq kampaniyası çərçivəsində soydaşlarımızı təmsil edən çoxsaylı vətəndaş cəmiyyəti institutları, gənclər təşkilatları və diaspor qurumları bu sahədə hakimiyyət strukturları ilə birgə səmərəli fəaliyyət göstərirlər. Artıq yalan və saxtakarlıq üzərində qurulmuş erməni təbliğat maşınının iç üzü ifşa olunur və dünya ictimai fikri Xocalı həqiqətlərini qəbul etməyə başlayır. İslam Əməkdaşlıq Təşkilatı Parlament İttifaqı bu faktı “insanlığa qarşı törədilmiş kütləvi cinayət” hadisəsi kimi tanımış və üzv dövlətləri həmin faciəyə müvafiq siyasi-hüquqi qiymət verməyə çağırıb. Pakistan və Meksikanın parlamentlərində bu qətliamın soyqırımı aktı kimi tanınması barədə qətnamə qəbul edilib”. Prezident İlham Əliyev Azərbaycan Respublikasının hazırda dünya təhlükəsizlik sistemində və beynəlxalq terrorizmə qarşı mübarizədə mühüm rol oynadığını qeyd edib: “Harada baş verməsindən asılı olmayaraq, biz hər cür irqi ayrı-seçkiliyi, etnik və dini zəmində düşmənçiliyi bütövlükdə bəşər cəmiyyətinə qarşı cinayət hesab edirik. Dövlətimiz bundan sonra da Xocalı soyqırımına, Azərbaycan torpaqlarının Ermənistan tərəfindən işğalına obyektiv qiymət verilməsi və tarixi-hüquqi ədalətin bərpası üçün öz fəaliyyətini davam etdirəcək, bütün siyasi və hüquqi vasitələrlə belə hallara qarşı barışmaz mübarizə aparacaq. Xocalı soyqırımını törətməkdə düşmənin məqsədi Azərbaycan xalqını sarsıtmaq, suverenlik və ərazi bütövlüyü uğrunda mübarizədən çəkindirmək və torpaqlarımızı zorla ələ keçirmək olsa da, bu ağır faciə xalqımızı daha da mətinləşdirib, qəhrəman oğul və qızlarımızı müqəddəs Vətən və milli dövlətçiliyimiz naminə qətiyyətli və mütəşəkkil mübarizəyə səfərbər edib. Bu ümummilli hüzn günündə bir daha Xocalı faciəsinin günahsız qurbanlarının əziz xatirəsini ehtiramla yad edir, bütün şəhidlərimizə Allahdan rəhmət diləyirəm. Sizi əmin etmək istəyirəm ki, Xocalı soyqırımını həyata keçirənlər gec-tez ədalət məhkəməsi qarşısında cavab verərək layiqli cəzalarını alacaq, şəhidlərimizin qanı yerdə qalmayacaq”.

Əziz həmvətənlər!

Hörmətli soydaşlar!

Xalqımızın birlik və mütəşəkkilliyinin, milli təəssübkeşlik və Vətənə sədaqətinin rəmzi olan 31 dekabr – Dünya Azərbaycanlılarının Həmrəylik Günü münasibətilə sizi səmimi qəlbdən salamlayıram.

Ümummilli liderimiz Heydər Əliyevin 20 il əvvəl irəli sürdüyü təşəbbüs nəticəsində təsis edilən bu əziz bayram dünyadakı bütün soydaşlarımızın qəlbini Vətən hərarəti ilə isidir və müstəqil Azərbaycan dövlətinə məhəbbət hissi aşılayır.Həmvətənlərimizin milli birliyinə xüsusi əhəmiyyət verən Azərbaycan hökuməti diaspor quruculuğu işini daim diqqət mərkəzində saxlayır. Bu ilin yayında Bakıda Dünya Azərbaycanlılarının III Qurultayının keçirilməsi xarici ölkələrdə yaşayan soydaşlarımızın təşkilatlanması və Vətənlə əlaqələrinin möhkəmləndirilməsi yolunda yeni mərhələnin başlanğıcını qoydu. Qurultayda diaspor qurumlarının fəaliyyəti qiymətləndirildi, soydaşlarımızın mütəşəkkilliyinin və təşkilati çevikliyinin artırılmasına təkan verən mühüm qərarlar qəbul olundu.

Vətənimizin hüdudlarından kənarda yaşayan soydaşlarımız arasında azərbaycançılıq ideyalarının və milli təəssübkeşlik duyğularının günü-gündən güclənməsi olduqca fərəhləndirici haldır. İndi xaricdəki həmvətənlərimiz məskunlaşdıqları ölkələrin ictimai-siyasi, mədəni və işgüzar həyatında getdikcə öz mövqelərini genişləndirir, Azərbaycanın dünyada tanıdılmasına, mədəniyyətimizin təbliğinə sanballı töhfələr verirlər. Bu ilin yazında keçirilmiş nüfuzlu beynəlxalq mədəniyyət yarışmasında - “Eurovision - 2011” mahnı müsabiqəsində təmsilçilərimizin qazandığı qələbədə Avropa ölkələrində yaşayan soydaşlarımızın da payı olmuşdur. Ümidvaram ki, diaspor təşkilatlarımız bundan sonra da əldə edilən nailiyyətlərlə kifayətlənməyəcək, Diasporla İş üzrə Dövlət Komitəsi və xarici ölkələrdəki diplomatik nümayəndəliklərimizlə əməkdaşlığı gücləndirəcək, yeni çağırışlara daha mütəşəkkil və təsirli cavab verəcəklər.

Əziz həmvətənlər!

Biz bu il dövlət müstəqilliyimizin 20 illiyini geniş qeyd etdik. Azərbaycanın 20 il ərzində nail olduğu uğurlar vətəndaşlarımızın əməksevərliyini, yüksək intellektual qabiliyyətini və qurub-yaratmaq əzmini bütün dünyaya əyani şəkildə nümayiş etdirir. Müstəqilliyin ilk illərində ölkəni bürümüş böhranlı vəziyyət, xalqımızın düçar olduğu çətinlik və məhrumiyyətlər indi arxada qalmış, yoxsulluq və işsizliyin səviyyəsi minimuma enmişdir. Düşünülmüş və planlı şəkildə aparılan islahatlar, müxtəlif sahələri əhatə edən dövlət proqramları və genişmiqyaslı infrastruktur layihələrinin həyata keçirilməsi Azərbaycanı dinamik inkişaf edən güclü və demokratik bir dövlətə çevirmiş, nüfuzlu və etibarlı tərəfdaş kimi dünyada tanıtmışdır. Bu il Birləşmiş Millətlər Təşkilatının Təhlükəsizlik Şurasına keçirilən seçkilərdə qələbə qazanmış Azərbaycanı 155 dövlətin dəstəkləməsi dünya birliyinin ölkəmizə olan hörmət və inamının parlaq təzahürüdür. Müasir dövrdə dünyada gedən proseslərin axarı sürətlə dəyişir. Qlobal, regional və lokal səviyyələrdə meydana çıxan problemlər, təhlükəli meyillər ağır iqtisadi böhranlara və sosial təlatümlərə yol açır, beynəlxalq əlaqələrə güclü təsir göstərir. Belə şəraitdə qazandığımız nailiyyətlərin möhkəmləndirilməsi və ölkəmizin davamlı inkişafının təmin olunması mühüm əhəmiyyət kəsb edir. Bu yaxınlarda imzalanmış “Azərbaycan 2020: gələcəyə baxış” İnkişaf Konsepsiyasının hazırlanması haqqında Prezident Sərəncamı məhz həmin sahədə perspektiv vəzifələrin və onların həlli yollarının aydın müəyyən olunmasına yönəlib. Azərbaycan dövlətinin gücü, xalqımızın yaradıcı potensialı müəyyənləşdirdiyimiz yeni məqsədlərə çatacağımıza əminlik yaradır. Lakin hələ də qarşımızda həllini tapmayan vəzifə - Ermənistanın hərbi təcavüzü nəticəsində ölkəmizin pozulmuş ərazi bütövlüyünün bərpası, qaçqın və məcburi köçkünlərin öz doğma ocağına dönməsinin təmin edilməsi dayanır. Şübhə etmirəm ki, biz tezliklə bu çətin problemin də öhdəsindən gələcək, dünyanın gözü qarşısında törədilən işğala və haqsızlığa son qoyacağıq.

Əziz bacı və qardaşlar!

Qələbəyə, ədalətin təntənəsinə gedən yolu qısaltmağın vacib şərtlərindən biri də bizim birliyimiz və həmrəyliyimizdir. Ona görə də bütün azərbaycanlıları daha sıx birliyə, dünyada yaşayan soydaşlarımızın milli və vətəndaş haqlarının müdafiəsi, müstəqil dövlətimizin mənafelərinin ardıcıl qorunması və beynəlxalq nüfuzunun artırılması işinə bundan sonra da öz töhfələrini verməyə çağırıram.

Bu sevimli bayram münasibətilə sizi ürəkdən təbrik edir, hər birinizə cansağlığı və səadət, işlərinizdə uğurlar arzulayıram!

İlham Əliyev,